ថ្ងៃសុក្រ ២រោច ខែមាឃ ឆ្នាំរោង ឆស័កពុទ្ធសករាជ ២៥៦៨ ត្រូវនឹងថ្ងៃទី១៤ ខែកុម្ភៈ ឆ្នាំ២០២៥

លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ និងមន្រ្តីជំនាញខេត្ត រួមជាមួយលោកប្រធានការិយាល័យកសិកម្ម ធនធានធម្មជាតិ និងបរិស្ថានស្រុកគិរីវង់​ បានអញ្ជើញចុះពិនិត្យទីតាំងត្រូវបូមទឹកចូលក្នុងអាងទន្លាប់ដើម្បីជួយសង្រ្គោះស្រូវដែលកំពុងប្រឈមការខ្វះខាតទឹក ស្ថិតនៅភូមិព្រៃតាម៉ៅ ឃុំគិរីចុងកោះ ស្រុកគិរីវង់ និងពិនិត្យមើលស្រូវដែលប្រឈមការខ្វះខាតទឹកនៅឃុំព្រះបាទជាន់ជុំ និងឃុំអង្គប្រាសាទ។ តាមរបាយការណ៍របស់ការិយាល័យកសិកម្ម ធនធានធម្មជាតិ និងបរិស្ថានស្រុកគិរីវង់ បានឱ្យដឹងថាស្រូវរដូវប្រាំងក្នុងស្រុកគិរីវង់អនុវត្តបាន ៩ ៤១៩ហិកតា ប្រឈមការខ្វះខាតទឹកចំនួន ៣ ១៨៥ហិកតា អាចសង្រ្គោះបានចំនួន ២ ៥៧៥ហិកតា និងមិនអាចសង្គ្រោះបានចំនួន​ ១៣៥ហិកតា​ ក្នុងនោះឃុំរាមអណ្តើកចំនួន​ ១០០ហិកតា ឃុំព្រៃអំពកចំនួន​ ២៥ហិកតា និងឃុំគោកព្រេចចំនួន​ ១០ហិកតា។