ថ្ងៃអង្គារ ១៤កើត ខែមាឃ ឆ្នាំរោង ឆស័កពុទ្ធសករាជ ២៥៦៨ ត្រូវនឹងថ្ងៃទី១១ ខែកុម្ភៈ ឆ្នាំ២០២៥
អង្គភាពអនុវត្តគម្រោងថ្នាក់ខេត្ត នៃគម្រោងសុខភាពសត្វឆ្លងព្រំដែន និងការជំរុញខ្សែច្រវាក់តម្លៃសត្វ ចំនួន ៥នាក់ បានបន្ដបេីកវគ្គបណ្ដុះបណ្ដាលស្ដីពីការចិញ្ចឹមសត្វ និងការបង្កាត់ពូជភាតរបរិស្ថាន បច្ចេកទេសបង្កាត់សិប្បនិមិត្តគោ ក្នុងសប្ដាហ៍ទី ២ ដោយបានរៀបចំនៅទីវាល គឺការអនុវត្តផ្ទាល់លើស្បូនគោ និងលូតស្ទាបស្បូនមេគោផ្ទាល់ ដោយមានការអញ្ជើញចូលរួមពីលោកបណ្ឌិត នូ វនិកា អគ្គនាយករងនៃអគ្គនាយកដ្ឋានសុខភាពសត្វ និងផលិតកម្មសត្វ ជាប្រធានគ្រប់គ្រងគម្រោងសុខភាពសត្វឆ្លងកាត់ព្រំដែន និងជម្រុញខ្សែច្រវាក់តម្លៃសត្វ ព្រមទាំងមន្ត្រីការិយាល័យភ្នាក់ងារសុខភាពសត្វភូមិ និងនិស្សិតនៃវិទ្យាស្ថានជាតិពហុបច្ចេកទេសតេជោសែនតាកែវ សរុបចំនួន ៧០នាក់ ស្រី ១០នាក់។ វគ្គបណ្ដុះបណ្ដាលធ្វើឡើងនៅមន្ទីរកសិកម្ម រុក្ខាប្រមាញ់ និងនេសាទខេត្ត។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម