ថ្ងៃអាទិត្យ ១២កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៩ ខែកុម្ភៈ ឆ្នាំ២០២៥

លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ រួមនឹងលោក​ ទេព ស៊ីនឿន អភិបាលរងស្រុកទ្រាំង តំណាងលោកឈួន ផាន់នី​ អភិបាលស្រុក​ ព្រមទាំង​មានការចូលរួមពីលោកប្រធានស្ដីទីនិងអនុប្រធានការិយាល័យកសិកម្ម ធនធានធម្មជាតិ​ និងបរិស្ថានស្រុក លោកមេឃុំសំបួរ​ លោកមេភូមិព្រៃភ្លង និង​ តំណាងគម្រោង​ ADB​ បានចុះពិនិត្យស្ថានទឹក និងបានសម្របសម្រួលជាមួយប្រជាកសិករ ចំនួន​ ១១ គ្រួសារ ដែលរៀបចំតវ៉ាដល់គម្រោង​ ADB ដែលបានដាក់លូបង្ហូរទឹក(តូចពេក)​ ជាហេតុធ្វេីការនាំទឹកយឺតទៅស្រោចស្រព​លើដំណាំស្រូវប្រាំង​ ​ចំនួន ៣០ហិកតា​ (ស្ថានភាពទឹកនៅប្រទ្បាយលេខ១៥) នៅភូមិព្រៃភ្លង ឃុំសំបួរ ស្រុកទ្រាំង។ ជាលទ្ធផល តំណាងគម្រោង​ ADB បានលេីកថា​ ការដាក់លូតូចនេះគឺដាក់បណ្តោះអាសន្នប៉ុណ្ណោះ នៅពេលដឹកលូធំ មកដល់គាត់នឹងប្តូរភ្លាម​ និងសន្យាថា​នឹងធ្វេីការដាក់លូអោយធំជាងមុន​ អោយហើយរួចរាល់ល្ងាចថ្ងៃទី១០ ខែកុម្ភៈ ឆ្នាំ២០២៥​ នេះ។