ថ្ងៃព្រហស្បតិ៍ ៩កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែកុម្ភៈ ឆ្នាំ២០២៥

លោកទីប្រឹក្សាសម្របសម្រួលកម្មវិធីASPIRE-AT នៃមន្ទីរកសិកម្ម រុក្ខាប្រមាញ់ និងនេសាទខេត្តតាកែវ បានជូនក្រុមអ្នកឯកទេសរបស់លេខាធិការដ្ឋានកម្មវិធីASPIRE-AT ដែលដឹកនាំដោយលោក វង្ស ទ្រី អនុប្រធានក្រុមទីប្រឹក្សាចុះពិនិត្យ វាយតម្លៃ និងប្រមូលព័ត៌មានបន្ថែម ផ្ទៀងផ្ទាត់សហគមន៍កសិកម្ម នឹងលទ្ធភាពទទួលបានប្រាក់កម្ចីពីធនាគារអភិវឌ្ឍន៍ជនបទនិងកសិកម្ម(ARDB) នៅសហគមន៍កសិកម្មចំនួន០៤ រួមមាន÷
១. សហគមន៍កសិកម្មមាន់ស្រែអូរផុត និងសហគមន៍កសិកម្មត្រពាំងស្រង៉ែ នៅភូមិអូរផុត ឃុំអង្គតាសោម ស្រុកត្រាំកក់
២. សហគមន៍រនាមសាមគ្គី ស្ថិតនៅភូមិត្រពាំងធំ ឃុំរនាម ស្រុកទ្រាំង
៣. សហគមន៍សំភ្លីអង្គររង្សី ស្ថិតនៅភូមិគ ឃុំព្រៃខ្លា ស្រុកកោះអណ្តែត។