ថ្ងៃពុធ ៨កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៥ ខែកុម្ភៈ ឆ្នាំ២០២៥

លោក ម៉េង សុធី អនុប្រធានមន្ទីរកសិកម្ម រុក្ខាប្រមាញ់ និង នេសាទ រួមនឹងលោក អ៊ច សេវាន្ធី ប្រធានការិយាល័យអភិវឌ្ឍន៍សហគមន៍កសិកម្ម និងលោក នួន ទិត្យភារាម មន្ត្រីការិយាល័យ​ បានរៀបចំ​កិច្ចប្រជុំដោះស្រាយបញ្ហាបំណុលរបស់សហគមន៍កសិកម្មជើងគួនជោគជ័យ ជាមួយគម្រោង BPAC នៅស្នាក់ការសហគមន៍កសិកម្ម ភូមិជើងគួន ឃុំជើងគួន ស្រុកសំរោង។
កិច្ចប្រជុំនេះមានការចូលរួមផងដែរពីលោក អ៊ុក សារឿន អនុប្រធាននាយកដ្ឋានអភិវឌ្ឍន៍សហគមន៍កសិកម្ម លោក ម៉េង ឌីម៉ានិត អភិបាលរងស្រុកសំរោង លោក លី ពន្លឺ ប្រធានការិយាល័យតាមដាន វាយតម្លៃសហគមន៍កសិកម្ម លោកស្រី អ៊ួង ទូច ប្រធានការិយាល័យកសិកម្ម ធនធានធម្មជាតិ និង បរិស្ថានស្រុកសំរោង លោក អៀង សីឡា នាយរងប៉ុស្តិ៍រដ្ឋបាលឃុំជើងគួន លោក អៀ លី ក្រុមប្រឹក្សាឃុំជើងគួន និងថ្នាក់ដឹកនាំសហគមន៍កសិកម្ម សរុបអ្នកចូលរួម ១៤នាក់ ស្រី ០១នាក់
ក្រោយពីកិច្ចពិភាក្សាអង្គប្រជុំសម្រេចៈ
- កំណត់ប្រភេទកូនបំណុល ជា ៣កម្រិត
 (កម្រិតខ្ពស់ កម្រិតមធ្យម និង កម្រិតទាប)
- ចាត់តាំង លោក កែវ នឹម និងឃៀន សុខា ទទួលខុសត្រូវធ្វើតារាងបញ្ជីឈ្មោះកូនបំណុល និងចំនួនទឹកប្រាក់ ឲ្យរួចរាល់ត្រឹមថ្ងៃទី១៥ ខែកុម្ភៈ ឆ្នាំ២០២៥ រួចដាក់ពាក្យបណ្តឹងទៅរដ្ឋបាលឃុំ នៅថ្ងៃ១៧ ខែកុម្ភៈ ឆ្នាំ២០២៥ និងកោះហៅមកធ្វើកិច្ចសន្យា ២ដងក្នុង១ខែ ស្មើចំនួនកូនបំណុល ១០នាក់។
- កំណត់ការតាមដានកិច្ចសន្យាសមាជិកដែលមិនអនុវត្ត និងចាត់ចែងវិធានការបន្តតាមនិតិវិធីច្បាប់។