ថ្ងៃសៅរ៍ ១២រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែមករា ឆ្នាំ២០២៥
លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ និងប្រធានការិយាល័យនីតិកម្មកសិកម្មខេត្ត បានចូលរួមទិវាស្រែបង្ហាញឆ្លាតវៃសមស្របទៅនឹងការប្រែប្រួលអាកាសធាតុ នៅភូមិពន្ទង ឃុំបានកាម ស្រុកព្រៃកប្បាស។
តាមការវិភាគសេដ្ឋកិច្ចស្រែបង្ហាញតាមបច្ចេកទេស និងស្រែតាមទំលាប់របស់កសិករ ឃេីញថា៖ ទិន្នផលរបស់ស្រែកសិករតាមទំលាប់ទាបជាងទិន្នផលស្រែបង្ហាញតាមបច្ចេកទេសចំនួន ៧០០ គ.ក (ស្រែបង្ហាញតាមបច្ចេកទេសៈ ៧ ៨០០ គ.ក/ ហត ចំណែកស្រែបង្ហាញតាមទំលាប់កសិករ៖ ៧ ១០០ គ.ក/ ហត)។ ចំពោះការពិនិត្យលេីការចំណាយថ្លៃដេីមផលិតរបស់ស្រែបង្ហាញតាមទំលាប់កសិករមានចំនួន ៣ ៥៣៦ ៥០០ រៀល គឺស្មេី ៤៩៨ រៀល/គក ចំណែកចំណូលពីការលក់ស្រូវវិញទទួលបាន ៥ ១៨៣ ០០០រៀល ក្នុងតម្លៃស្រូវ ៧៣០រៀល/គ.ក។ លទ្ធផលនេះបង្ហាញថាៈ ទោះបីជាតម្លៃស្រូវធ្លាក់ចុះមែន ប៉ុន្តែបេីទិន្នផលខ្ពស់ គឺកសិករនៅតែចំណេញដដែល រឺក៏ខាតក្នុងប្រាក់ចំណេញរបស់គាត់តែប៉ុណ្ណោះ ដូច្នេះពូជសុទ្ធិល្អ និង ពូជដែលមានតម្លៃទីផ្សារជាកត្តាសំខាន់បង្កេីនទិន្នផលស្រូវ។ លោកប្រធានផ្នែកទីផ្សាររបស់ក្រុមហ៊ុនយីតាក់គ្រុប បានពន្យល់បង្ហាញយ៉ាងក្បោះក្បាយពីបច្ចេកការប្រេីប្រាស់ជី ថ្នាំកសិកម្ម លេីដំណាំស្រូវដេីម្បីទទួលបានទិន្នលខ្ពស់។ ក្នុងឱកាសនោះ ខ្ញុំបាទបានធ្វេីការផ្សព្វផ្សាយពីសហគមន៍ទំនេីប និងជម្រុញអោយកសិករកាត់បន្ថយការប្រេីថ្នាំកសិកម្ម ការប្រេីពូជសុទ្ធិល្អការប្រេីប្រាស់ជី ថ្នាំកសិកម្មតាមបច្ចេកទេស និងការគ្រប់គ្រងទឹកលេីដំណាំស្រូវ ជាកត្តាចម្បងត្រូវយកចិត្តទុកដាក់។
រសៀល លោកប្រធាន បានចុះពិនិត្យស្ថានភាពទឹកក្នុងប្រឡាយ ដែលកំពុងបូមពីបឹងទន្លេបាទីតាមប្រឡាយហនុមាន និងតាមប្រឡាយ CAVAC ស្រុកព្រៃកប្បាស ដេីម្បីសង្រ្គោះស្រូវប្រាំងរបស់ប្រជាកសិករ។
