ថ្ងៃអង្គារ ៨រោច ខែបុស្ស ឆ្នាំរោង​ ឆស័ក ពុទ្ធសករាជ ២៥៦៨​ ត្រូវនឹងថ្ងៃទី២១ ខែមករា ឆ្នាំ២០២៥

ក្រុមការងារកម្មវិធី ASPIRE -AT នៃមន្ទីរកសិកម្ម រុក្ខាប្រមាញ់ និងនេសាទខេត្តតាកែវ រួមមានលោក អ៊ុច សេវាន្ធី មន្រ្តីទទួលបន្ទុកសហគមន៍កសិកម្ម មន្រ្តីជំនួយការ និងទីប្រឹក្សាសម្របសម្រួលប្រចាំខេត្តបានចុះជួបប្រជុំជាមួយសហគមន៍កសិកម្មដែលទើបចុះបញ្ជីថ្មីចំនួន​ ២សហគមន៍​ ដើម្បីជំរុញការកៀងគរសមាជិកសហគមន៍បន្ថែម និង ប្រគល់វិញ្ញាបនបត្រចុះបញ្ជីទទួលស្គាល់សហគមន៍កសិកម្ម ស្លាកឈ្មោះសហគមន៍ សៀវភៅលក្ខន្តិកៈសហគមន៍កសិកម្ម  សៀវភៅច្បាប់សហគមន៍កសិកម្ម និងត្រាសហគមន៍កសិកម្ម ដល់សហគមន៍កសិកម្មបន្លែត្រាំកក់ ស្ថិតនៅភូមិគល់គម ឃុំត្រាំកក់ ស្រុកត្រាំកក់ សរុបអ្នកចូលរួម ៩ នាក់ ស្រី ០២ នាក់ និងសហគមន៍កសិកម្មសាមគ្គីបន្លែលីញ៉ា នៅភូមិលីញ៉ា ឃុំតាភេម ស្រុក ត្រាំកក់ សរុបអ្នកចូលរួម១២ នាក់ ស្រី ០៣ នាក់ ។