ថ្ងៃចន្ទ ១៥កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែមករា ឆ្នាំ២០២៥

រដ្ឋបាលខេត្តតាកែវ បានសហការជាមួយការិយាល័យនីតិកម្មកសិកម្មខេត្ត បើកវគ្គបណ្ដុះបណ្ដាលអប់រំសមត្ថភាពវិជ្ជាជីវះ ដល់អាជីវករលក់ដុំ លក់រាយថ្នាំកសិកម្ម​ និងជីកសិកម្មលើកទី ១៩ ក្រោមអធិបតី ឯកឧត្ដម ឡោ រស្មី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោក លី សាវេត អភិបាលរងនៃគណះអភិបាលខេត្តតាកែវ ព្រមទាំងមានការចូលរួមពីលោក កន កុម្ភៈ អនុប្រធាននាយកដ្ឋានគ្រប់គ្រងជីជាតិដីកសិកម្ម លោក ជូ វិជ្ជា អនុប្រធាននាយកដ្ឋានការពារដំណាំ អនាម័យ និងភូតគាមអនាម័យ លោក ម៉េង សុធី អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោក ឃុត ប៊ុនធឿន ប្រធានអង្គភាពច្រកចេញចូលតែមួយនៃរដ្ឋបាលខេត្តតាកែវ លោកប្រធាន អនុប្រធានការិយាល័យនីតិកម្មកសិកម្មខេត្ត មន្រ្តីកសិកម្មឃុំ និងអាជីវករ សរុបអ្នកចូលរួមចំនួន ៩៩នាក់ ស្រី ២៥នាក់។ វគ្គបណ្តុះបណ្តាលនេះ ធ្វើនៅមន្ទីរកសិកម្ម រុក្ខាប្រមាញ់ និងនេសាទខេត្ត។