ថ្ងៃពុធ ៤កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែធ្នូ ឆ្នាំ២០២៤
លោក ថៃ លី ប្រធានការិយាល័យផលិតកម្មនិងបសុព្យាបាលខេត្ត រួមនិងមន្រ្តី ៣នាក់បានចូលរួមជាមួយក្រុមការងារចំរុះដេីម្បីចុះពិនិត្យផលប៉ះពាល់ពីការចិញ្ចឹមសត្វជាច្រវាក់ផលិតកម្ម ទិញ លក់ របស់កសិករ ៣គ្រួសារ នៅជាប់របងវិទ្យាល័យ និងអនុវិទ្យាល័យអង្គសីមា ស្ថិតនៅភូមិប្រសូត្រថ្មី ឃុំសំរោង និងភូមិត្រពាំងព្រីង ឃុំគុស ស្រុកត្រាំកក់ ដឹកនាំដោយ លោក ទ្បោ រីរិទ្ធិ ប្រធានមន្ទីរអបរំយុវជននិងកីទ្បាខេត្តតាកែវ ដោយមានការចូលរួមពី លោក សាយ វណ្ណ: អភិបាលរងស្រុកត្រាំកក់ កងកំលាំងប្រដាប់អាវុធទាំងពីរប្រភេទ និងអ្នកពាក់ពន្ធ័ សរុប ៣៣នាក់ ស្រី ៥នាក់។ ជាលទ្ធផលក្រុមការងារ បានសម្រេចអោយកសិករចិញ្ចឹមសត្វត្រូវកាត់បន្ថយការចិញ្ចឹមជាច្រវាក់ ទិញ លក់ (ស្តុកសត្វច្រេីន) ត្រូវពង្រឹងការធ្វេីអនាម័យ សម្អាតបរិស្ថានជាប្រចាំ ធ្វេីទ្បជីវឧស្ម័ន និងអនុវត្តការធ្វេីជីវសុវត្ថិភាពតាមបច្ចេកទេសបសុពេទ្យនិងធ្វេីការរុះរេីក្រោលនៅជាប់របងអនុវិទ្យាល័យចេញទៅចិញ្ចឹមនៅទីតាំងថ្មី ដោយស្ថិតនៅក្រោមការឃ្លុំមេីលជាប្រចាំពីមន្រ្តីជំនាញ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម