ថ្ងៃអង្គារ ៥ រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែតុលា ឆ្នាំ២០២៤
លោក ញ៉ីប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ នឹងសហការី បានអមដំណេីរ ឯកឧត្ដម និងគណៈប្រតិភូក្រសួង កសិកម្ម រុក្ខាប្រមាញ់ និងនេសាទ, ក្រសួងអភិវឌ្ឍន៍ជនបទ និងក្រសួងធនធានទឹកនិងឧតុនិយម ចុះពិនិត្យកន្លែងបណ្តុះកូនបន្លែសហគមន៍, អាងស្តុកទឹកអូររំដួល, បន្លែក្នុងផ្ទះសំណាញ់នៅទីកន្លែងសំអាតបន្លែ និងជួបប្រជុំសំណេះសំណាលជាមួយសហគមន៍កសិកម្មទំនេីបបន្លែផ្ទះសំណាញ់ ស្ថិតនៅភូមិត្រពាំងចក ឃុំត្រាំកក់ ស្រុកត្រាំកក់។ តាមរយ:គម្រោងខ្សែច្រវាក់ផលិតកម្មដោយភាតរៈបរិស្ថាន ដែលអនុវត្តដោយក្រសួងកសិកម្ម រុក្ខាប្រមាញ់ និងនេសាទ, ក្រសួងអភិវឌ្ឍន៍ជនបទ និង ក្រសួងធនធានទឹកនិងឧតុនិយម បានគាំទ្រឃ្លាំងស្តុកស្រូវចំណី, ផ្លូវក្រាលកៅស៊ូមួយខ្សែប្រវែង ៣,៣៨៥ម៉ែត្រ ភ្ជាប់ពីឃ្លាំងមកទីផ្សារលក់កសិផល និងកំពុងសិក្សាអាងទឹកអូររំដួលបន្ថែមទៀត។
លោកប្រធាន បានចូលរួមពិធីចែកសម្ភារ:សាខាកាកបាទក្រហមកម្ពុជាខេត្តតាកែវ ដោយមានការគាំទ្រពីធនាគារ ABA រួមមាន:
អង្ករ ២៥គីឡូក្រាម, ក្រណាត់តង់ ០១ផ្ទាំង, កន្ទេល០១, មុង ០១, ភួយ ០១, សារុង ០១, ក្រម៉ា ០១, មី ០១កេស, ទឹកត្រី ០៣ដប, ទឹកស៊ីអ៊ីវ ០៣ដប, នំធុង ០១ធុង, ត្រីខកំប៉ុង ០១យួរ, ប្រេងឆា ០១ដប មកចែកជូនប្រជាពលរដ្ឋដែលជួបការលំបាកស្ថិតនៅក្នុងឃុំញ៉ែងញ៉ង និងឃុំគុស ស្រុកត្រាំកក់ សរុបចំនួន ៥៥គ្រួសារ។
