ថ្ងៃព្រហស្បតិ៍ ២ កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី៩ ខែឧសភា ឆ្នាំ២០២៤

លោក ញ៉ីប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ រួមនឹងលោក ភី រាវិន នាយរងខណ្ឌរដ្ឋបាលព្រៃឈើខេត្ត និងមន្រ្តី បានចូលរួមកិច្ចប្រជុំ ពិនិត្យនិងពិភាក្សាលើវឌ្ឍនភាពការងាររបស់ក្រុមការងារថ្នាក់ខេត្តចុះវាស់វែងកំណត់និយាមការ អាប់ស៊ីស អកដោនេរដីសាធារណៈរបស់រដ្ឋ (ដីស្ថានីយ៍ផ្សព្វផ្សាយនិងស្ដារព្រៃឈើត្រពាំងធំ) ស្ថិតនៅឃុំរនាម ស្រុកទ្រាំង ខេត្តតាកែវ ដើម្បីត្រៀមរៀបចំធ្វើទីលានចាក់សំរាមសាធារណៈខ្នាតធំតាមស្តង់ដារបទដ្ឋានបច្ចេកទេស ក្រោមអធិបតីភាព លោក ម៉ម កាយ អភិបាលរងខេត្ត។ កិច្ចប្រជុំនេះធ្វើនៅសាលប្រជុំរដ្ឋបាលខេត្ត(ផអ៣)។