ថ្ងៃអង្គារ ៤ កើត ខែមាឃ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៣ ខែកុម្ភៈ ឆ្នាំ២០២៤

លោក ញ៉ិប ស្រ៊ន​ ប្រធានមន្ទីរកសិកម្ម រក្ខាប្រមាញ់ និងនេសាទ ខេត្តតាកែវ  និងសហការី  បានអមដំណើរ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ ដឹកនាំមន្ទីរអង្គភាពជំនាញពាក់ព័ន្ធ និងអជ្ញារធរក្រុង ស្រុក ចុះពិនិត្យមើលស្ថានជាក់ស្ដែង ដំណាំស្រូវប្រាំង កំពុងជួបប្រទះខ្វះខាតទឹក របស់កសិករ ចំនួន ៤០០ហិកតា ក្នុងសង្កាត់បារាយណ៍ ក្រុងដូនកែវ។ បន្ទាប់មកឯកឧត្តមអភិបាល នៃគណៈអភិបាលខេត្តបានបន្តដឹកនាំចុះពិនិត្យមើលសកម្មភាពគ្រឿងចក្រ របស់ ក្រសួងធនធានទឹក និងឧតុនិយម កំពុងចុះជួយស្ដារប្រឡាយទឹកមេសំខាន់ៗ មានប្រវែង ៤០០០ម៉ត្រែ ដើម្បីនាំយកទឹកមកជួយសង្រ្គោះដំណាំស្រូវប្រាំងកសិករ ចំនួន ៦២០ហិកតា ស្ថិតនៅភូមិសាស្រ្ត ឃុំទ្រា និងឃុំជើងគួន ស្រុកសំរោង ខេត្តតាកែវ ។