ថ្ងៃពុធ ៦ រោច ខែបុស្ស ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣១ ខែមករា ឆ្នាំ២០២៤

លោកស្រី ម៉ិល ចន្ទ័ទេវី ប្រធានការិយាល័យក្សេត្រសាស្រ្តនិងផលិតភាពកសិកម្មខេត្ត រួមនឹងលោក ឈន សារិត អនុប្រធានការិយាល័យនិងមន្ត្រី សហការជាមួយលោកស្រី អ៊ួង ទូច ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកសំរោង បានចុះពិនិត្យស្ថានភាពដំណាំស្រូវ និងបញ្ហាប្រឈម ចំនួន ០៥ឃុំ  ដែលមានបញ្ហាប្រឈម និងការខ្វះទឹករួមមាន៖ ឃុំរវៀង ជំរះពេន ខ្វាវ បឹងត្រាញ់ខាងត្បូង
និងបឹងត្រាញ់ខាងជើង ដែលមានផលប៉ះពាល់លើផ្ទៃដីចំនួន ៤៧៩ ហិកតា។