ថ្ងៃសុក្រ ១២ កើត ខែផល្គុន ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៣ ខែមីនា ឆ្នាំ២០២៣

លោក ថៃ លី ប្រធានការិយាល័យផលិតកម្ម និងបសុព្យាបាលខេត្ត រួមនិងមន្រ្តីចំនួន ៤នាក់ បានសហការជាមួយមន្ត្រីការិយាល័យកសិកម្ម ធនធានធម្មជាតិ និងបរិស្ថានស្រុកព្រៃកប្បាស ចំនួន ០២រូប បានចុះជួបប្រជុំជាមួយលោកមេឃុំព្រៃល្វា  និងអ្នកពាក់ពន្ធ័ ស្ដីពីការសាកល្បងអោយកសិករដាំស្មៅដេីម្បីផ្គត់ផ្គងដល់កសិដ្ឋានចិញ្ចឹមគោទឹកដោះគិរីសួគ៌  ។
ជាលទ្ធផលយើងបានកំណត់ទីតាំងដាំស្មៅចំនួន ០៤ភូមិ  មានផ្ទៃដីសរុប  ប្រហែល  ១៥០  ហ.ត  នៅភូមិអង្គក្រសាំង  ភូមិព្រៃល្វាខាងលិចភូមិព្រៃល្វាខាងកើត និងភូមិតាខុ។ពេលរសៀល លោកថៃ  លី  និងសហការីបានបន្តចុះជួបសហគមន៍កសិករប្រើប្រាស់ទឹក តាស៊ូង ឃុំព្រៃល្វា ស្រុកព្រៃកប្បាស ដើម្បីពិភាក្សា ផែនការដាំស្មៅ  ដោយមានការចូលរួមសហការជាមួយតំណាងកសិដ្ឋានចិញ្ចឹមគោទឹកដោះគិរីសួគ៌។ កសិករ ៣រូប រួមនឹងផ្ទៃដី ២ ហ.ត  បានយល់ព្រមអនុវត្ត និងមានផែនការជួបប្រជុំកសិករផ្សេងទៀតនៃឃុំបានកាម និង ឃុំពោធិ៍រុំចាក ដើម្បីផ្សព្វផ្សាយដល់អ្នកដាំស្មៅអោយបានផ្ទៃដីយ៉ាងតិច ២០ ហ.ត  នៅថ្ងៃទី ១០ ខែមិនា ឆ្នាំ២០២៣  ។