ថ្ងៃព្រហស្បតិ៍ ១២ រោច ខែភទ្របទ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២២ ខែកញ្ញា ឆ្នាំ២០២២

លោក សេង ក្រុញ អនុប្រធានការិយាល័យផ្សព្វផ្សាយនៃមន្ទីរកសិកម្ម រុក្ខាប្រមាញ់ និងនេសាទខេត្តតាកែវ បានចូលរួមសិក្ខាសាលាផ្សព្វផ្សាយស្តីពី “ វិធីសាស្ត្រពង្រឹងសមត្ថភាព និងការលើកកម្ពស់សាកវប្បកម្មខ្នាតតូច “ (Smallholder Horticulture Empowerment and Promotion-SHEP)ដែលរៀបចំដោយ នាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ សហការជាមួយទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចាំកម្ពុជា នៅសណ្ឋាគារភ្នំពេញ។សិក្ខាសាលានេះស្ថិតក្រោមអធិបតីភាព លោកបណ្ឌិត ម៉ៅ មិនា ប្រធាននាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ និងមានការអញ្ជើញចូលរួមពី លោក Shimodaira Takayuki តំណាង JICA លោកជា សុខុន អនុប្រធាននាយកដ្ឋានផ្សព្បផ្សាយកសិកម្ម រុក្ខាប្រមាញ់ និងនេសាទ។ សិក្ខាសាលានេះមានគោលបំណងផ្សព្វផ្សាយអំពីវិធីសាស្រ្ត SHEP និងផែនការសកម្មភាពដែលត្រូវអនុវត្តបន្ត។