ថ្ងៃពុធ ៧ រោច ខែមាឃ ឆ្នាំឆ្លូវត្រីស័ក ពុទ្ធសករាជ ២៥៦៥ត្រូវនឹងថ្ងៃទី២៣ ខែកុម្ភៈ ឆ្នាំ២០២២

អង្គភាពអនុវត្តគម្រោងថ្នាក់ខេត្ត PPIU-TAK នៃគម្រោងខ្សែច្រវាក់ផលិតកម្មដោយភាតរៈបរិស្ថាន CFAVC បានធ្វើការបណ្តុះ បណ្តាលគ្រូបង្គោលស្តីពីបច្ចេកទេសសាងសង់ ត្រួតពិនិត្យឡជីវឧស្ម័ន ការប្រើប្រាស់ និងគ្រប់គ្រងជីឡជីវឧស្ម័ន ដល់អ្នកផ្សព្វផ្សាយឃុំ ស្រុក ក្រោមអធិបតីភាព លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ នេសាទខេត្ត និងជាប្រធានអង្គភាពអនុវត្តគម្រោងខេត្ត និងលោក ភួង តារា ទីប្រឹក្សាគម្រោង CS2 ផ្នែកឡជីវឧស្ម័ននិងរោងជីកំប៉ុស្តិ៍ និងមានការចូលរួមពីមន្រ្តីអង្គភាពអនុវត្តគម្រោងខេត្ត តំណាងសហគមន៍កសិកម្ម សរុបចំនួន ១០នាក់។ វគ្គបណ្ដុះបណ្ដាលនេះធ្វើឡើងនៅមន្ទីរកសិកម្ម រុក្ខាប្រមាញ់ នេសាទខេត្ត។