ថ្ងៃសុក្រ ១៤ រោច ខែកត្តិក ឆ្នាំឆ្លូវត្រីស័ក ពុទ្ធសករាជ ២៥៦៥ត្រូវនឹងថ្ងៃទី៣ ខែធ្នូ ឆ្នាំ២០២១
លោក អ៊ុច សេវាន្ធី ប្រធានការិយាល័យអភិវឌ្ឍន៍សហគមន៍កសិកម្ម រួមនឹងលោក ពេជ ចរិយា ទីប្រឹក្សាគ្រប់គ្រងអនុកម្មវិធី ASPIRE និងលោក នួន ទិត្យភារាម ជាមន្ត្រីជំនួយការកម្មវិធី ASPIRE ព្រមទាំងភ្នាក់ងារផ្សព្វផ្សាយឃុំ (CEW) បានរៀបចំកម្មវិធីផ្តល់សម្ភារៈកសិកម្ម ឆ្លើយតបនឹងតម្រូវការសមាជិកសហគមន៍កសិកម្មសំបួរចម្រើនផល ដែលជាទុនសហវិនិយោគនៃការគាំទ្រសហគមន៍កសិកម្ម និងអង្គការកសិករ (support AC/FO) ក្នុងឆ្នាំ ២០២១ របស់់កម្មវិធី ASPIRE ក្រោមអធិបតីភាព លោក ជី ជីម ប្រធានក្រុមប្រឹក្សាឃុំសំបួរ។ កម្មវិធីនេះ ប្រព្រឹត្តទៅនៅ ភូមិព្រៃភ្លង ឃុំសំបួរ ស្រុកទ្រាំង ដែលមានសមាជិកសហគមន៍កសិកម្មចូលរួមចំនួន ៧៥ នាក់ ស្រី ២១ នាក់ ដោយម្នាក់ៗទទួលបានសម្ភារៈសម្រាប់ផលិតកម្មបន្លែ រួមមានដូចជា ÷
-ជីពាក់កណ្ដាលសរីរាង្គ សញ្ញាដំរី ចំនួន ១ បាវ ( ៥០ គីឡូក្រាម)
-គ្រាប់ពូជសណ្តែកកួរ ១ កំប៉ុង (១០០ ក្រាម)
-គ្រាប់ពូជ ត្រសក់ ១ កញ្ចប់ (១០០ ក្រាម)
-គ្រាប់ពូជម្រះ ១ កញ្ចប់ (១០០ក្រាម)
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម