ថ្ងៃអង្គារ ១០ រោច ខែទុតិយាសាឍ ឆ្នាំឆ្លូវ
ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣ ខែសីហា ឆ្នាំ២០២១
លោក ម៉េង សុធី អនុប្រធាន មន្ទីរ កសិកម្ម រុក្ខាប្រមាញ់ និងនេសាទខេត្ត រួមនិងលោក ថៃ លី ប្រធានការិយាល័យផលិតកម្ម និងបសុព្យាបាលខេត្ត និងមន្រ្តីសរុប ៥ នាក់ សហការជាមួយរដ្ឋបាលឃុំកំពែង និងរដ្ឋបាលស្រុកគីរីវង់ ចុះត្រួតពិនិត្យស្ថានភាពជំងឺសត្វគោ ក្របី និងបានចែកជូននៅថ្នាំម្លឺមេឌីទ្បែន ធូបមូស ហេប ភី អេ ។ ក្នុងឱកាសនោះដែរ បានធ្វើការផ្សព្វផ្សាយនិងចែករំលែកបច្ចេកទេសបសុពេទ្យ រួមមានៈ
-ធ្វេីអនាម័យសម្អាតបរិវេណក្នុង និងក្រៅទ្រុង -សត្វផឹកទឹកស្អាត
-ដាក់មុងឲ្យសត្វដេក
-បំពក់ផ្សែងភ្លេីងឬប្រេីធុបមូស HPA ដេីម្បីកម្ចាត់សត្វល្អិតដូចជាពពួកសត្វ មូស រុយ តាបោម ដើម្បីជួយទប់ស្កាត់ជំងឺឆ្លងផ្សេងៗ ជាពិសេស ជំងឺដុំពកលេីស្បែក គោ ក្របី ។ លោកអនុប្រធានមន្ទីរក៏បានសំណូមពរអោយ អ្នកចិញ្ចឹមសត្វត្រូវរាយការណ៍ជាបន្ទាន់មកភ្នាក់ងារសុខភាពសត្វភូមិ មន្រ្ដី បសុពេទ្យស្រុក នៅពេលជួបបញ្ហាជម្ងឺនេះ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម