ថ្ងៃសុក្រ ២ រោច ខែជេស្ឋ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែឧសភា ឆ្នាំ២០២១

លោកស្រី ម៉ិល ចន្ទ័ ទេវី ប្រធានការិយាល័យក្សេត្រសាស្រ្តនិងផលិតភាពកសិកម្មខេត្ត ជាប្រធានសម្របសម្រួលគម្រោងថ្នាក់ខេត្ត រួមជាមួយមន្ត្រីសហការគម្រោង Jica, RSPP ចំនួន ០៣ នាក់ បានណែនាំនិងពិនិត្យការចុះកិច្ចសន្យារវាងសហគមន៍កសិកម្មអូរសារាយនិងអ្នកផលិតស្រូវពូជសែនក្រអូបនិងផ្ការំដួលសម្រាប់រដូវវស្សាឆ្នាំ២០២១ បានត្រួតពិនិត្យរបាយការណ៍ស្តុកចេញ-ចូលប្រចាំខែឧសភា ព្រមទាំងបានប្រគល់ជូនលទ្ធផលវិភាគគុណភាពគ្រាប់ពូជស្រូវសែនក្រអូបនិងផ្ការំដួលចំណាត់ថ្នាក់ចុះបញ្ជីដល់សហគមន៍កសិកម្មអូរសារាយ និងត្រួតពិនិត្យ ការគ្រប់គ្រងឃ្លាំងនិងអនាម័យឃ្លាំងនៅសហគមន៍កសិកម្មអូរសារាយ ស្រុកត្រាំកក់ ។