ថ្ងៃចន្ទ ១៤ រោច ខែពិសាខ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១០ ខែឧសភា ឆ្នាំ២០២១
លោក សោ សាំ មន្រ្តីបច្ចេកទេសខេត្តនៃកម្មវិធី ASPIRE និង លោក សេង ក្រុញ ជំនួយការកម្មវិធី បានសហការជាមួយ លោក គង់ មុន្នី មន្រ្តីបច្ចេកទេសស្រុក និងភ្នាក់ងារផ្សព្វផ្សាយឃុំធ្លកបានចុះពិនិត្យការដាំដុះបន្លែក្នុងផ្ទះសំណាញ់ នៅភូមិរវៀង ឃុំសំបួរ ស្រុកទាំង។
-ជួបជាមួយអជ្ញាធរភូមិស្វាយ ឃុំធ្លក ស្រុកទ្រាំង ដើម្បីពិភាក្សាការងារបង្កើតបណ្តុំអាជីវកម្មស្រូវ និងទីតាំងធ្វើបង្ហាញស្រូវដើមរដូវ ក្នុងវិធីសាស្រ្តភាពជាដៃគូរវាងស្ថាប័នរដ្ឋ និងវិស័យឯកជន ស្តីពីការជំរុញការប្រើប្រាស់ជីគីមីប្រកបដោយប្រសិទ្ធ ភាពលើដំណាំស្រូវ រវាងកម្មវិធី និងក្រុមហ៊ុន អេ អិល អេស ភី អ៊ីមផតអ៊ិចផត ខូអិលធីឌី (ជីសញ្ញាកម្រងកួរស្រូវ) និងពិភាក្សាជាមួយដេប៉ូលក់ជីពីដំណើការផ្គត់ផ្គង់ជីជូនកសិករ។
-ពិនិត្យមើលទីតាំងសាងសង់កន្លែងប្រមូលបណ្តុំបន្លែដែលផ្តល់ដោយកម្មវិធី ASPIRE នៅសហគមន៍កសិកម្មសំបួរស្ថិតនៅភូមិព្រៃភ្លង ឃុំសំបួរ ស្រុកទ្រាំង។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម