ថ្ងៃពុធ ១៣ កើត ខែផល្គុន ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៤ ខែកុម្ភៈ ឆ្នាំ២០២១
ដោយអនុវត្តតាមបទបញ្ជារបស់ឯកឧត្តមអភិបាលខេត្ត លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ដ រួមនឹងលោក ម៉េង សុធី អនុប្រធានមន្ទីរ និងលោកប្រធាន-អនុប្រធានការិយាល័យផលិតកម្ម និងបសុព្យាបាលខេត្ត និងមន្រ្ដី សរុបកម្លាំងចំនួន ៩នាក់ បានចុះពង្រឹងចលនាសត្វ និងផលិតផលមានដើមកំណើតពីសត្វ ជាលទ្ធផល បានពិនិត្យរថយន្ដដឹកពងទា ចំនួន ០១ គ្រឿងម៉ាក FRONTIER ពណ៌ទឹកប៊ិច ជាប្រភេទរថយន្តដឹកទំនិញ ពាក់ស្លាកលេខភ្នំពេញ 2AC-4426 នៅចំនុចភូមិល្វេថ្មី ឃុំប្រាំបីមុំ ស្រុកទ្រាំង បានប្រមូលទិញពងទាស្រែ តាមឃុំតាអូរ ឃុំសោម ស្រុកគិរីវង់ ខេត្តតាកែវ ឆ្ពោះទៅចែកចាយនៅស្រុកអង្គរបុរី ដោយគ្មានលិខិតអនុញ្ញាតអ្វីទាំងអស់ លោកប្រធានមន្ទីរ និងមន្រ្តីជំនាញ បានធ្វើការណែនាំប្រមានផ្ទាល់មាត់ដល់អាជីវករ អោយអនុវត្តច្បាប់សុខភាពសត្វ និងផលិតកម្មសត្វ និងត្រូវមានលិខិតអនុញ្ញាតពីមូលដ្ឋាន។ នាយប់ថ្ងៃទី២៣ ខែកុម្ភៈ ឆ្នាំ២០២១ នេះ ក្រុមការងារបានដាក់កម្លាំងត្រួតពិនិត្យ ដោយពុំបានជួបប្រទះបទល្មេីសចលនាសត្វ និងផលិតផលមានដេីមកំណេីតពីសត្វទ្បេីយ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម