ថ្ងៃព្រហស្បតិ៍ ៨ រោច ខែភទ្របទ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១០ ខែកញ្ញា ឆ្នាំ២០២០

លោក ញ៉ីប ស្រ៊ន ប្រធានមន្ទីរកសសិកម្ម រុក្ខាប្រមាញ់ និងនេសាទ ខេត្តតាកែវ រួមនឹងលោក ថៃ លី ប្រធានការិយាល័យផលិតកម្ម និងបសុព្យាបាលខេត្ត និងសហការី បានរៀបចំយុទ្ធនាការចាក់វ៉ាក់សាំងការពារជំងឺសារទឹក និងអុតក្តាមគោក្របីនៅភូមិជ្រោយសំរោង ឃុំបារាយណ៍ ក្រុងដូនកែវ បានសរុបចំនួន ១០៧ក្បាល។ កម្មវិធីនេះស្ថិតក្រោមអធិបតីភាពដ៏ខ្ពង់ខ្ពង់របស់ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ និងគណៈប្រតិភូរួមដំណើរ ដោយមានកិច្ចសហការយ៉ាងជិតស្និទ្ធពីអាជ្ញាធរមូលដ្ឋានក្នុងតំបន់ និងការចូលរួមពីកសិករចិញ្ចឹមសត្វយ៉ាងច្រើនកុះករ។