ថ្ងៃពុធ ១២រោច ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែមិថុនា ឆ្នាំ២០២០

មន្ត្រីការិយាល័យផលិតកម្ម និងបសុព្យាបាលខេត្ត ០២រូប បានចូលរួមប្រជុំចែករំលែកបទពិសោធន៍ជាមួយគ្រួសារ CAVET ពីជំនាន់០១ ដល់ជំនាន់០៧ នៅសាលប្រជុំវិទ្យាស្ថានជាតិកសិកម្មកំពង់ចាម រៀបចំដោយក្រសួងកសិកម្ម រុក្ខាប្រមាញ់ និងនេសាទ តាមរយៈអគ្គនាយកដ្ឋានសុខភាពសត្វ និងផលិតកម្មសត្វ ក្រោមការគាំទ្រថវិកាពី DTRA-BTRP របស់សហរដ្ឋអាមេរិច។ កម្មវិធីនេះមានការចូលរួមពីសំណាក់អតីតសិក្ខាកាមជំនាន់០១ ដល់ជំនាន់០៦ និងសិក្ខាកាមកំពុងសិក្សាជំនាន់០៧ សរុបប្រមាណ ៥០នាក់ ដែលជាថ្នាក់ដឹកនាំ និងមន្ត្រីបសុពេទ្យមកពីបណ្តា ២៥ខេត្តក្រុង ក្រោមអធិបតីភាពលោកបណ្ឌិត សន សាន អគ្គនាយករងនៃអគ្គនាយកដ្ឋានសុខភាពសត្វ និងផលិតកម្មសត្វ។