ថ្ងៃពុធ ៥រោច ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១០ ខែមិថុនា ឆ្នាំ២០២០

លោក សោ សាំ អនុប្រធានការិយាល័យក្សេត្រសាស្រ្ត និងផលិតភាពកសិកម្ម រួមនិងមន្រ្តីការិយាល័យកសិកម្ម ធនធានធម្មជាតិ និងបរិស្ថាន ស្រុកគីរីវង់ សមាជិកក្រុមប្រឹក្សាឃុំតាអូរ និងទីប្រឹក្សាកម្មវិធី ASPIRE បានចូលរួមប្រជុំចែកសម្ភារគាំទ្ររបស់កម្មវិធី ASPIRE ដល់កសិករបណ្តុំអាជីវកម្មបន្លែចំនួន៣០ គ្រួសារ នៅភូមិស្លា ឃុំតាអូរ ស្រុកគីរីវង់ ខេត្តតាកែវ។ នាឱកាសនោះលោក សោ សាំ បានណែនាំអោយកសិករទាំងអស់ចូលរួមការពារជម្ងឺកូវីត១៩ ដោយអនុវត្តអោយបានតាមការណែនាំរបស់ក្រសួងសុខាភិបាល ហើយលោកក៏បានជំរុញអោយកសិករបង្កើនការដាំដុះបន្លែដើម្បីរកប្រាក់ចំណូលបន្ថែម និងជំរុញអោយកសិករគ្រប់បណ្តុំទាំងអស់ចូលរួមរៀបចំអោយមានផលិតកម្មតាមកិច្ចសន្យាដើម្បីធានាបានការផលិត និងទីផ្សារផងដែរ។