ថ្ងៃអង្គារ ៩ រោច ខែផល្គុន ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៧ ខែមីនា ឆ្នាំ២០២០

មន្ទីរកសិកម្ម រុក្ខាប្រមាញ់ និងនេសាទខេត្ត បានរៀបចំប្រជុំពិភាក្សាស្តីពីការងារផលិតកម្មកសិកម្មតាមកិច្ចសន្យា ក្នុងគោលបំណងដើម្បីជំរុញឲ្យវិស័យឯកជននានា ចូលរួមអនុវត្ត ទៅតាមអនុក្រឹត្យលេខ 36 ស្ដីពីផលិតកម្មតាមកិច្ចសន្យាអោយទទួលបានប្រសិទ្ធិភាពខ្ពស់ ក្រោមអធិបតីភាព លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ព្រមទាំងមានការចូលរួមពី លោក លោកស្រីអនុប្រធានមន្ទីរ និងលោក លោកស្រីជាប្រធានការិយាល័យជំនាញជុំវិញខេត្ត លោកនាយខណ្ឌរដ្ឋបាលព្រៃឈើ និងលោកនាយខណ្ឌរដ្ឋបាលជលផល សរុបចំនួន ១៧ នាក់ស្រី ៤ នាក់។