ថ្ងៃចន្ទ ០១រោច ខែផល្គុន ឆ្នាំកុរ​ ឯកស័ក ពុទ្ធសករាជ២៥៦៣​ ត្រូវនឹងថ្ងៃទី០៩ ខែមីនា ឆ្នាំ២០២០ លោកប្រធានការិយាល័យនីតិកម្មកសិកម្ម​នៃមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ ជាសមាជិកក្រុមការងារគេហទំព័រមន្ទីរ​ បានចូលរួមប្រជុំឆ្លុះបញ្ចាំងនៃវគ្គបណ្តុះបណ្តាលការបង្កេីត​ Video clip ខ្លីៗ​ ដោយមានការចូលរួមពីលោកប្រធានការិយាល័យកសិកម្ម​ ធនធានធម្មជាតិ​ និងបរិស្ថាន​ស្រុកត្រាំកក់​ និងតំណាងសហគមន៍កសិកម្មចំនួន​ ០៤សហគមន៍​ ក្នុងស្រុកត្រាំកក់​ និងសំរោង ខេត្តតាកែវ។​ កិច្ចប្រជុំនេះ​មានការសម្របសម្រួលដោយអង្គការ​ក្រុមអ្នកស្រាវជ្រាវ​ និងផ្លាស់ប្តូរបច្ចេកវិទ្យា (ហ្គ្រេត/Gret)​ ដែលប្រព្រឹត្តទៅនៅរដ្ឋបាលស្រុកត្រាំកក់។