ថ្ងៃពុធ ១១កើត ខែផល្គុន ឆ្នាំកុរ​ ឯកស័ក ពុទ្ធសករាជ២៥៦៣​ ត្រូវនឹងថ្ងៃទី០៤ ខែមីនា ឆ្នាំ២០២០ លោក​ ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ​ ដឹកនាំលោក ថៃ លី ប្រធានការិយាល័យផលិតកម្ម និងបសុព្យាបាល និងសហការី ចូលរួមប្រជុំពិភាក្សាស្តីពីការស្វែងយល់ពីស្ថានភាពទីសត្តឃាតដ្ឋានក្នុងខេត្តតាកែវ និងលើកផែនការចុះសិក្សាវាស់វែងធ្វើប្លង់រឹង ក្រោមអធិបតីភាពលោក ឈួ សុធា អភិបាលរងនៃគណៈអភិបាលខេត្តតាកែវ ដោយមានការចូលរួមពីលោកប្រធានមន្ទីរសេដ្ឋកិច្ច និងហិរញ្ញវត្ថុ លោកប្រធានមន្ទីរពាក់ព័ន្ធ លោកអភិបាលនៃគណៈអភិបាលស្រុក/ក្រុងទាំង១០ និងតំណាងក្រុមហ៊ុនពាក់ព័ន្ធសរុបប្រមាណ ២០នាក់ កម្មវិធីនេះរៀបចំនៅសាលប្រជំុរដ្ឋបាលខេត្តតាកែវ។