ថ្ងៃព្រហស្បតិ៍ ២ រោច ខែអាសាឍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៨ ខែកក្កដា ឆ្នាំ២០១៩

......................................................................................................................................

លោក  ថៃ  លី  ប្រធានការិយាល័យផលិតកម្ម  និងបសុព្យាបាលនៃមន្ទីរកសិកម្ម  រុក្ខាប្រមាញ់  និងនេសាទ ខេត្ត  បានចូលរួមរុក្ខាទិវានៅភូមិ  ពទ្រ  ឃុំ  ខ្វាវ   ស្រុក  ទ្រាំង  ខេត្ត  តាកែវ  ស្ថិត នៅ ក្រោម អធិបតីភាព ឯកឧត្ដម  អ៊ូច  ភា  អភិបាលនៃគណ:អភិបាលខេត្តតាកែវ។
+ក្រុមការងារ មន្រ្ដី ជំនាញ ការិយាល័យ ផលិតកម្ម  និង បសុព្យាបាល  ព្រមទាំងលោក ប្រធាន ផ្នែក បសុពេទ្យស្រុកគីរីវង់  បានចុះផ្សព្វផ្សាយជំងឺប៉េស្តជ្រូកអាហ្វ្រិកដល់អ្នកចិញ្ចឹមជ្រូក និងអាជីវករកាប់ជ្រូកនៅភូមិ  ដីក្រហម  ឃុំ  ព្រៃរំដេង  ស្រុក  គីរីវង់  ដោយបានណែនាំមិនអោយកាប់ជ្រូកឈឺ រឺ ងាប់ហេីយមិនត្រូវទិញជ្រូកនៅតំបន់ដែលផ្ទុះជម្ងឺនិង បានអនុវត្ត វិធានការ ធ្វើ ជីវសុវត្តិភាពសម្លាប់មេរោគនៅក្នុង  និងក្រៅទីសត្តឃាដផ្សារគីរីព្រមទាំងកន្លែងស្តុកសត្វសម្រាប់យកមកពិឃាដ  និង ផ្ទះ ប្រជាពលរដ្ឋ ចិញ្ចឹម ជ្រូក ផងដែរ។
+លោក  ឃុន    ប៊ុនធី  មន្រ្តីការិយាលយ័ផលិតកម្មនិងបសុព្យាបាលខេត្តបានចូលរួមជាមួយក្រុមការងារអគ្គនាយកដ្ឋានសុខភាពសត្វនិងផលិតកម្មសត្វចុះតាមដានការលូតលាស់ពូជគោដែលបង្កាត់ដោយសិប្បនិមិ្មតព្រមទាំងផ្សព្វផ្សាយដំណាំចំណីសត្វផងដែរ។
+លោក  ស៊ុយ  គឹមហេង  ប្រធាន ផ្នែក បសុពេទ្យស្រុកអង្គរបូរី ដោយមានការចូលរួមពីលោកប្រធានការិយាលយ័កសិកម្មស្រុកព្រមទាំងភ្នាក់ងារសុខភាពសត្វភូមិផ្សព្វផ្សាយវិធានការ   ការទប់ស្កាត់ជម្ងឺប៉េស្តជ្រូកអាហ្រ្វិចនៅភូមិព្រៃផ្គាំនិងចុះតាមដានស្ថានភាពសុខភាពសត្វនៅឃុំបាស្រែ។ បានប្រចាំការជាមួយអាជ្ញាធរមូលដ្ឋានដើម្បីបណ្ដឹងចលនាសត្វនៅតំបន់ផ្ទុះជំងឺ ក្នុងវង្វង់កាំ ១០គីទ្បូម៉ែត្រ ព្រមទាំងបាន សង្កេតតាមដានច្រកដែលជាមុខសញ្ញាទប់ស្កាត់ការនាំចូលជ្រូកពីប្រទេសវៀតណាម។
+លោក  ហ៊ុក   ស៊ួ  ប្រធានផ្នែកបសុពេទ្យស្រុកបូរីជលសារបានចុះតាមដានស្ថានភាពការចឹញ្ចឹមសត្វជ្រូកនៅភូមិកំពង់អំពិលឃុំបូរីជលសារព្រមទាំងកន្លែងពិឃាដសត្វផ្សារកំពង់អំពិលដោយបានហាមមិនអោយកាប់ជ្រូកឈឺ រឺ ងាប់និងបានផ្តល់ជូនថ្នាំសំលាប់មេរោគដេីម្បីធ្វេីជីវសុវតិ្តភាពទីសត្តឃាដជាប្រចាំ។
-ស្ថានភាព ចលនាសត្វ
ការិយាល័យ ផលិតកម្ម  និង បសុព្យាបាលពុំមានចេញលិខិតអនុញ្ញាតដឹកជញ្ជួនជ្រូកទាំងក្នុងស្រុកនិងក្រៅស្រុកដោយស្ថានភាពសាច់ជ្រូកនៅលេីទីផ្សារទូទាំងខេត្តបានធ្លាក់ចុះច្រេីនដោយប្រជាពលរដ្ឋមួយចំនួនពុំទទួលទានសាច់ជ្រូក។
-ស្ថានភាព ជំងឺ សត្វ ជ្រូក
ចំពោះ ស្រុកអង្គរបូរី  និងស្រុកព្រៃកប្បាសមានភាពស្ងប់ស្ងាត់តាមការអង្កេតការតាមដានដោយយកចិត្តទុកដាក់ពីមន្ត្រីបសុពេទ្យប្រចាំការនៅទីនោះដោយមានជ្រូកឈឺតែ ១ក្បាល ប៉ុណ្ណោះនៅឃុំបាស្រែ។
ជ្រូក កសិដ្ឋាន ទាំង  ២៩  នៅក្នុងខេត្តមានសុខភាពល្អ  ពុំមានឆ្លងជំងឺប៉េស្តជ្រូកអាហ្រ្វិកទេ។