ងៃចន្ទ ៨ រោច ខែបុស្ស ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២៨ ខែមករា ឆ្នាំ២០១៩
--------------------------------------------------------------------------------
១.លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងសហការី បានចុះពិនិត្យស្ថានភាពបង្កបង្កើនផលស្រូវប្រាំងរបស់ប្រជាកសិករ ក្នុងឃុំគោកធ្លក ស្រុកអង្គរបូរី និងដំណាំម្រះ ក្នុងភូមិសំបួរ ឃុំអង្គរបូរី។ គួរអោយកត់សំគាល់ផងដែរថាៈ ស្រុកអង្គរបូរី មានផ្ទៃដីស្រែប្រាំងសរុប ១៥,៣០០ ហត គិតត្រឹមថ្ងៃទី២២ ខែមករា ឆ្នាំ២០១៩ ការងារច្រូតកាត់ប្រមូលផលបាន ៣៦៩ ហត ទិន្នផលមធ្យម ៤.៨៦១ តោន/ហត ១,៧៩៤ តោន/ហត។
២.នៅសាលប្រជុំនៃមន្ទីរកសិកម្ម រុក្ខាប្រមាញ់ និងនេសាទខេត្តតាកែវ ក្រុមការងារគម្រោងជំរុញផលិតកម្មស្បៀង នៃអគ្គនាយកដ្ឋានកសិកម្ម បានបេីកកិច្ចប្រជុំស្តពី "ការពិនិត្យឡេីងវិញនូវសកម្មភាពដែលបានអនុវត្ត និងពង្រឹងការងារគម្រោងឆ្នាំ២០១៩" និងចុះពិនិត្យលទ្ធផលអនុវត្តការងាររបស់គម្រោងជាមួយក្រុមការងារគម្រោងមន្ទីរកសិកម្ម រុក្ខាប្រមាញ់ និងនេសាទខេត្ត ក្រោមការដឹកនាំ និងសម្របសម្រួលកិច្ចប្រជុំពី លោកបណ្ឌិត គៀន សុភា នាយកប្រតិបត្តិគម្រោង និងការអញ្ជើញចូលរួមលោកប្រធានគម្រោងថ្នាក់ខេត្ត និងមន្ត្រីអនុវត្តគម្រោងថ្នាក់ជាតិ និងមន្ទីរកសិកម្មខេត្ត ស្រុកពាក់ព័ន្ធចំនួន ២០នាក់ ស្រី ០៦នាក់។
លោក ម៉េង សុធី អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តនិងជាប្រធានគម្រោងថ្នាក់ខេត្ត បានបង្ហាញពីលទ្ធផលការងារសម្រេចបាន បញ្ហាប្រឈម និងដំណោះស្រាយ នៃការអនុវត្តការងារកន្លងមកដូចខាងក្រោម៖
+ គម្រោងជំរុញផលិតកម្មស្បៀង ថ្នាក់ខេត្ត បានជ្រេីសរេីសសហគមន៍ចំនួន០៥ ក្នុងឆ្នាំ២០១៧គឺ
-សហគមន៍ផលិតកម្មស្រូវពូជ៖ (១).សហគមន៍អូរសារាយ ស្ថិតនៅស្រុកត្រាំកក់ (២).សហគមន៍ជេីងគួនជោគជ័យ ស្ថិតនៅស្រុកសំរោង
-សហគមន៍ផលិតកម្មស្រូវចំណី៖(១).សហគមន៍អង្គប្រាសាទ ស្ថិតនៅស្រុកគីរីវង់ (២).សហគមន៍ចំណោមចំរេីនផល ស្ថិតនៅស្រុកព្រៃកប្បាស និង(៣).សហគមន៍ឬស្សីរុងរឿង ស្ថិតនៅស្រុកព្រៃកប្បាស។
ក្នុងឆ្នាំ២០១៨ គម្រោងបានជ្រេីសរេីសសហគមន៍បន្ថែមចំនួន០៣គឺ
-សហគមន៍ផលិតកម្មស្រូវពូជ៖(១).សហគមន៍ត្រពាំងក្រឡាញ់ ស្ថិតនៅស្រុកត្រាំកក់។
-សហគមន៍ផលិតកម្មស្រូវចំណី៖(១).សហគមន៍ប្រជាជនគោកព្រេច និង(២).សហគមន៍រាមអណ្តេីកស្ថិតនៅស្រុកគីរីវង់។
* ការប្រមូលផលស្រូវពូជរដូវវស្សាលេីផ្ទៃដី ៧០,៩០ហិកតា ទទួលបានបរិមាណសរុប ២២០,៩៦តោន និងស្រូវចំណីរដូវវស្សាលេីផ្ទៃដី ១.០៨៧,៥ហិកតា ទទួលបានបរិមាណសរុប ៣.៤៣៧,៥២៩តោន។
+ ទទួលបានការឧបត្ថម្ភធន ឧបករណ៍ការិយាល័យសម្ភារៈកសិកម្ម ឃ្លាំង លានហាលសម្ងួត...។
លោកបណ្ឌិត គៀន សុភា នាយកប្រតិបត្តិគម្រោង បានបង្ហាញ ណែនាំ និងផ្តល់អនុសាសន៍ និងយុទ្ធសាស្រ្តបន្ថែមពីការអនុវត្តន៍ការងារ ផ្តោតសំខាន់លេី:
(១).ផលិតកម្មដំណាំស្រូវ(ណែនាំបច្ចេកទេសថ្មីៗ ធ្វើបង្ហាញ ស្តង់ដារ និងវិភាគសេដ្ឋកិច្ច)
(២).ផែនការទីផ្សារ(ផែនការផលិត រកទីផ្សារស្រូវ)
(៣).ពង្រឹងសហគមន៍
(៤).ការរៀបចំចងក្រងឯកសារ អត្ថបទ បទពិសោធន៍ និងរបាយការណ៍។
៣.ការិយាល័យកសិកម្មស្រុកព្រៃកប្បាសក្នុងក្របខណ្ឌកម្មវិធីផ្សព្វផ្សាយបច្ចេកទេសថ្មីដែលធន់ទៅនឹងការប្រែប្រួលអាកាសធាតុ ASPIRE
បានបើកវគ្គបណ្តុះបណ្តាលស្តីពីបច្ចេកទេសចិញ្ចឹមមាន់ដល់កសិករនៅភូមិពន្ទង ឃុំបានកាមដោយមានកសិករចូលរួមសរុប ៣០នាក់ ក្នុងនោះស្រី ១៧នាក់ ។
