ថ្ងៃសុក្រ ៦ កើត ខែបុស្ស ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១១ ខែមករា ឆ្នាំ២០១៩

------------------------

១.នៅឃុំរមេញ ស្រុកកោះអណ្ដែត លោក ម៉េង សុធី អនុប្រធានមន្ទីរកសិកម្ម រុក្ខាប្រមាញ់ និងនេសាទជាតំណាងមន្ទីរកសិកម្ម បាននាំយកសាររំលែកទុក្ខ និងថវិកាសមាគមន៍ក្រសួងកសិកម្ម រុក្ខាប្រមាញ់ និងនេសាទ ចំនួន ៦,០០០,០០០រៀល ជូនសពលោក ឃុន សាមឿន អតីតប្រធានការិយាល័យកសិកម្មស្រុកកោះអណ្ដែត។

២.លោកប្រធានការិយាល័យនីតិកម្មកសិកម្មខេត្ត និងសហការី បានបន្តធ្វើអធិការកិច្ចដេប៉ូលក់ដុំ លក់រាយសម្ភារៈកសិកម្ម បានចំនួន ០៣ដេប៉ូ ក្នុងស្រុកទ្រាំង និងស្រុកគីរីវង់ ក្រុមការងារអធិការកិច្ច បានអនុវត្តច្បាប់ៈ

-ចេញលិខិតកែតំរូវ ០១ដេប៉ូ

-សរសើរផ្ទាល់មាត់ការតាំងលក់ល្អ ០១ដេប៉ូ

-ណែនាំប្រមានផ្ទាល់មាត់ ០១ដេប៉ូ

៣.ការិយាល័យកសិកម្មស្រុកគិរីវង់ បានផ្ដល់សម្ភារកសិកម្មដល់បណ្ដុំឣាជីវកម្មបន្លែ នៅភូមិពោធិរោង ជុំព្រះបាទជាន់ជុំ ដោយមានការចូលរួមពីលោក សោ សាំ មន្ត្រីបច្ចេកទេសថ្នាក់ខេត្ត កម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE)។

៤.ការិយាល័យកសិកម្មស្រុកត្រាំកក់ បានផ្តល់សម្ភារកសិកម្ម ដល់ក្រុមធុរកិច្ចស្រូវ នៅឃុំត្រពាំងក្រញូង និង ក្រុមកសិកម្មចម្រុៈ នៃកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE) ក្នុងឃុំអូរសារាយ ដោយមានការចូលរួមពី លោក សាក់ វន ប្រធានការិយាល័យកសិកម្មស្រុកត្រាំកក់។

៥.បើកកម្មវិធីផ្តល់សំភារះកសិកម្ម ការឆ្លើយតបទៅនិងតម្រូវការរបស់សមាជិក បណ្តុំអាជីវកម្មមាន់ នៃកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) នៅភូមិក្តីរុន ឃុំខ្វាវ ស្រុកទ្រាំង ដោយមានការចូលរួមពីប្រធានកសិកម្មស្រុក លោកមេឃុំ មន្ត្រីកសិកម្មស្រុក ភ្នាក់ងារផ្សព្វផ្សាយឃុំ និងកសិករ សរុបចំនួម ៣៤នាក់ ស្រី ១៨នាក់។

៦.ការិយាល័យកសិកម្មស្រុកទ្រាំង បានបើកកម្មវិធីផ្តល់សំភារះកសិកម្ម ការឆ្លើយតបទៅនិងតម្រូវការរបស់សមាជិក ធុរកិច្ចដំណាំបន្លែ នៃកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE) នៅភូមិប្រាំបីមុំ ឃុំប្រាំបីមុំ ស្រុកទ្រាំង ដោយមានការចូលរួមពីលោកប្រធានការិយាល័យកសិកម្មស្រុក លោកមេឃុំ លោកមេភូមិ មន្ត្រីកសិកម្មស្រុក ភ្នាក់ងារផ្សព្វផ្សាយឃុំ និងកសិករ សរុប៩នាក់ ស្រី១នាក់។ ៧.ការិយាល័យកសិកម្មស្រុកបាទី បានចែកសំភារះកសិកម្ម បន្លែជូនសមាជិក២០គ្រួសារ នៃកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE) នៅភូមិពូនភ្នំ ឃុំត្រពាំងសាប។