ថ្ងៃអាទិត្យ ៧ រោច ខែស្រាពណ៌ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២ ខែកញ្ញា ឆ្នាំ២០១៨

.....................................................................................................................................................................................................................................

រសៀល លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងសហការីបានចូលរួមពិធីសំណេះសំណាលសួរសុខទុក្ខនាយទាហាន នាយទាហានរង ពលទាហាន វរៈសេនាតូចលេខ ១១៣ និង ១១៤ កងពលតូចអន្តរាគមន៍លេខ ១១ ក្រោមអធិបតីភាព ឯកឧត្តម ចន្ទ័ សារុន អនុប្រធានក្រុមប្រឹក្សាស្តារនិងអភិវឌ្ឍន៍វិស័យកសិកម្ម  និង ឯកឧត្តម អភិបាលខេត្តតាកែវ។ ពិធីនេះបានរៀបចំនៅវរៈសេនាតូចលេខ ១១៣ ភូមិព្រៃក្តួច ឃុំត្រពាំងក្រញូង ស្រុកត្រាំកក់។  ក្នុងឱកាសនោះ ឯកឧត្តម ក៏បានឧបត្ថម្ភនូវសម្ភារៈសិក្សាដល់លោកគ្រូ អ្នកគ្រូ សិស្សានុសិស្ស ព្រមទាំងថវិកា និងគ្រឿងបរិភោគមួយចំនួនដល់វរៈសេនាតូចទាំងពីរផងដែរ។